تحسين الحياة

Orange_46122 🇪🇬

منذ 4 أشهر

شعور لا مبالٍ

عبّر عن شعورك بشكل مجهول

انت دلوقتي محتار والدنيا سودة ف وشك وحاسس انك لوحدك وان محدش فاهمك ولا حد بيحبك وان مهما حصل انت خلاص فقدت الامل انك تعيش حياة طبيعية وان محدش مقدر الي انت فيه وكلو بيبعد عنك عشان بقيت انسان غريب ونت كمان بتبعد عشان انت شايف فيهم أنهم مش بقو عايزينك ومبقتش تفارق اوضتك وبقيت طول الليل انت قاعد ع السرير مش قادر من التعب حتى النوم الي بتهرب بيه مش مريحك ومش بتعرف تنام من كتر التفكير 
كل دة وانت مش فاهم انا مالي وحياتي قبل كانت عاملة ازاي اي الي حصلي فجأة ولي كلو ضدي بس لازم تاخد خطوة أن كل الي انت فيه دة انت قوي وهتعرف تتخطى كل دة وهتعرف ترجع زي الاول واحسن بكتير بس لازم تقوم وتاخد خطوة انت عايز حياتك تتغير ابدأ محدش هيغيرلك حياتك متستناش من حد انو يجي ويحولك حياتك انت الي لازم تقوم اه انت تعبان وانت مش قادر بس لازم تتعب عشان تلاقي نتيجة هي دي الدنيا لازم تتعب عشان تلاقي وعادي لو حاولت وفشلت مليون مرة بس اهم حاجة انك متيأسش كلم مع نفسك وشوف انت اي الي جرالك مش عارف اي الي جرالك يمكن دي تراكمات انت مش اخدت رد فعل صح وقتها وانك كتمت ساعتها زعلك ف طلعلك دلوقتي لازم تقوم وتعافر عشان فعلا تطلع من الي انت فيه دة لي تضيع من عمرك سنة ولا اتنين ولا عشرة  ف نفس الدائرة دي قوم دلوقتي وقول انك هتتغير بتصلي كويس لو مش بتصلي قوم وارجع لربنا صلي قيام ليل وادعي ربنا كتير بكل الي مضايقك متلجأش لحد غير ليه قولو يارب وهو سامعك وهيستجيب ربنا حطك ف بلاء انت قدو وهتعرف تتخطاه بس لازم الصبر وتحمد ربنا على بلاءك ابدا احفظ قران حتى لو صفحة ف اليوم قوم ارجع للحياة قوم مستني اي محدش هيجي يرجعلك حياتك ولا حد هيصلح حياتك انت الي هتصلح حياتك بنفسك 
استعن بالله وقوم انت قدها والله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.